Ginmanduan sang Mandaluyong Regional Trial Court (RTC) ang Department of Foreign Affairs (DFA) nga kanselahon ang passports ni retired police colonel Royina Garma kag anay National Police Commission commissioner Edilberto Leonardo.
May kaangtanan ini sa kaso nga pagpatay kay Philippine Charity Sweepstakes Office (PCSO) Board Secretary Wesley Barayuga.
Ang Mandaluyong Regional Trial Court (RTC) branch 279 nagpaguwa man sang hold departure order batok kanday Garma, Leonardo kag tatlo pa ka iban nga responsable sa kamatayon ni Barayuga.
Kadungan sini, ginmanduan man sang korte nga magpabilin sa kustodiya sang National Bureau of Investigation (NBI) si anay Lieutenant Santi Mendoza kag anay pulis Nelson Mariano nga una nga nadakpan sang nagligad nga bulan.
Natalanan naman ang pre-trial conference sang kaso sa Nobyembre 12.
Madumduman nga sanday Garma kag Leonardo ang gintudlo sa hearing sang Senado nga sila ang masterminds sa likod sang pagpatay kay Barayoga sadtong tuig 2020.
