DAO, CAPIZ- Mabuot kag mapinalanggaon nga asawa ang mangunuma nga nakuryente-patay sa Sitio Balud, Barangay Duyoc, Dao, Capiz.
Madumduman nga ang biktima amu si alyas “Ronald”, yara sa legal nga pang-edaron kag residente sang nasambit nga lugar.
Sa interview sang Bombo Radyo kay Mrs. Mary Jane Blanos, misis sang biktima, ginpahayag nga antes pa man natabo ang amo nga insidente nagpadulong ini sa Barangay Lacaron sa amu nga banwa agud kuntani nga magpangita sang manugbakal sang gin-harvest sini nga kamote.
Dugang pa sini, mabaskog ang hangin kag pag-ulan sang naglakat ini padulong sa amo nga lugar.
Takna las siete sang gab-I, may nagpanawag suno sa iya, sa diin ginpahibalo sya nga nakuryente-patay ang iya sini nga bana.
Ginkakibot sini ang amu nga balita kag gilayon nga ginpadulungan ang lugar sang ginluntaran sang pagka-kuryente sang iya nga bana.
Ginbuligan pa dala pa-ospital, apang wala na ini pa nga nasalbar.
Ginapahayag man nga yara sa impluwensya sang makahulubog nga ilimnon ang biktia nga posible amo ang rason kun ngaman wala sini matalupangdan ang nabugto nga kable sang kuryente kag nasalapay nya ini.
Samtang, nagapanawagan naman ang pamilya sini sang bulig pinansyal sa mga tawo nga may mabinulawanon nga tagipusu-on.
Sa karon, nagapabilin sa isa ka punerarya sa nasambit nga banwa ang bangkay sang amu nga biktima.
