-- ADVERTISEMENT --
ROXAS CITY – Yara na sa kustodiya sang Roxas City PNP si Jonathan Dela Cruz alyas Tanya matapos nga ginreklamo nga iya ginsulod ang balay sa Barangay Baybay, Roxas City.
Sa interview sang Bombo Radyo kay Police Lieutenant Colonel Francisco Paguia, ginpahayag sini nga ginpasakaan na nila sang kaso nga Trespass to Dwelling kag Theft si alyas Tanya.
Dugang pa ni Paguia nga nadakpan sang mga kapulisan si Tanya sa ginpatigayon nga hot pursuit operation matapos ini nagpalagyo sa balay nga iya ginsulod sa Barangay Baybay.
Mahibaluan nga pila na ka mga street vendors ang nagreklamo kay Tanya matapos niya ini nga tontohon.
May mga pending kag mga nauna naman nga mga kaso nga napasaka kay Tanya may kaangtanan sa mga una sini nga ginpangtunto.
-- ADVERTISEMENT --
