ROXAS CITY – Arestado ang isa ka marine fresh graduate sa ginkasa nga drug buybust operation sang Provincial Drug Enforcement Unit (PDEU) sa Barangay Sublangon, Pontevedra, Capiz.
Ginkilala ang suspek nga si Ramzelle Baclor, 22 anyos sang Barangay Malag-it, sang nasambit man nga banwa.
Sa interview sang Bombo Radyo kay Police Lt. Col. Julius Balano, ginpahayag sini nga humalin pa sang bulan sang Enero sini nga tuig sang ila ginpaidalom sa monitoring ang nasambit nga suspek.
Ginakabig nga newly-identified drug personality ang suspek nga ginapahayag nagakuha pa sang suplay sang ilegal nga droga sa siyudad sang Roxas.
Narekober sa suspek ang duha ka sachets sang ginapatihan shabu, P1, 000 nga marked money kag P400 nga personal sini nga kwarta.
Magapangatubang ang suspek sa panumbungon nga paglapas sa Republic Act 9165 ukon Comprehensive Dangerous Drugs Act of 2002.
(PHOTO FROM WEB)
