ROXAS CITY, CAPIZ- Nagpa-Bombo ang isa ka tricycle driver may kaangtanan sa naeksperyensyahan sini nga indi maayo sa merkado publiko, Teodoro Arcenas Trade Center, Roxas City.
Ang tricycle driver amo si Jakies Montibon.
Sa interview sang Bombo Radyo kay Jakies, ginsiling sini nga una na nga naka-parking ang iya nga tricycle sa parking area sang amo nga merkado, apang gintulod ini suno sa iya paguha sang parking boy agud nga pasudlon ang salakyan.
Dugang pa sini, kaangay nga ang parking boy sa amo nga merkado ang may pinalabi kag kaangay nga manubo ang panulok sini sa ila kag suno sa iya kaangay nakapang-insulto ini bangud nga isa lamang sya ka tricycle driver rason nga gintulod paguha ang iya sini nga tricycle kag sa kabaylo ginpa-parking ang nasambit nga salakyan.
Suno pa kay Jakies, ginpamangkot nya ang parking boy kun ngaman nga gintulod sini paguha ang iya nga tricycle, apang sabat sa iya sang parking boy, sugo sang katapo sang Traffic Management Unit (TMU) nga itiklod paguha ang iya nga tricycle.
Apang, gin-usisa sini ang katapo sang TMU kag ginsiling man sini suno sa iya nga ang mga batasan sang mga parking boy, gina prioritize ang kun sa diin sila makaganar sang dako nga kwarta.
Pahayag pa ni Jakies, gabayad man sila sa mga parking boy sang insakto rason nga kuntani wala lang ini sang may ipalabi kag suno pa sa iya, indi dapat kinahanglan nga baydan ang mga ini bangud nga libre ang parking area apang pakonswelo nalang sa amo nga parking boy, apang sa amo nga natabo, tuman ang iya sini nga pagkadismayado.
Samtang, nagapanawagan naman ini sa mga nagkalatungdan nga hatagan sang nagakaigo nga aksyon ang may kaangtanan sa mga parking boy sa amo nga merkado.
