Lusot na sa ikatatlo kag ulihi nga pagbasa sa plenaryo sang Senado ang Senate Bill 2897 ukon ang Safe Spaces Act.
Sa boto nga 23 nga pabor kag wala naman sang nagkontra, naaprubahan na sa Senado ang mas pinabaskog kag mas pinalapnag nga proteksyon nga workplace legislation kun sa diin pagasabtan na man ang gender-based online sexual harassment nga lapnagon sa karon pinaagi sa paggamit sang artificial intelligence (AI) kag iban pa nga naga-uso sa karon nga teknolohiya.
Nagpasalamat si Senator Risa Hontiveros, sponsor sang panukala sa Senado, sa mga kapwa mamalidha nga sumuporta kag bumoto para sa mas pinakusog nga Safe Spaces Act.
Ginpahayag naman ni Senator Grace Poe nga nagalaum ini nga sa pihak sa pagtaas sa panumbungon kag multa sa idalom sang Safe Spaces Act, mangin pamaagi ini agud malikawan ang mga krimen kag harassment nga nagakahinabo sa mga lugar nga gina-ubrahan amo man sa online.
Sa idalom sang expanded Safe Spaces Act, ginpalapnag na man ang depinisyon sang “public spaces” lakip ang mga kalye kag eskinita sa mga rural areas, bukirin, coastal areas, kag mangin ang multi-purpose halls.
Ang mga magalapas sa tion nga mangin ganap na ini nga layi, magapangatubang sa pagka-preso sang isa ka bulan tubtob anum ka bulan ukon multa nga P10,000 tubtob P100,000 depende sa desisyon sang korte.
