Gindugangan sang disciplinary actions sang Defense Ministry sang Japan ang 218 ka Self-Defense Forces members kag senior bureaucrats nga may kaangtanan sa pila ka isyu kalakip na ang mishandling sang classified information.
Ang mga indibidwal nga subject sa disciplinary actions ang gin-akusahan man sang pag-abuso sang ila poder.
Ginalakipan ini sang 11 ka myembro nga gin- dismiss, duha ang gin- demote, 83 ang gin- suspend, 14 ang ginbuhinan ang sweldo kag pito ang ginahatag sang formal warning.
Suno kay Bombo Josel Palma, international correspondent sa Japan, bangud sa amo nga eskandalo nga nag-apekto ilabi na sa Maritime Self-Defense Force, nagpanaog sa pwesto si Adm. Ryo Sakai, chief of staff sang Force bilang pag-ako sang responsibilidad.
Mismo si Sakai ang ginbuhinan ang sweldo bangud sa kapaslawan nga i-control kag i-supervise ang iya mga nasakupan.
Pahayag ni Palma, ini nga mga rebelasyon ang nagdabok pa gid sang kahangawa sang publiko tuhoy sa ministry kag Self-Defense Force sa tunga sang pagpabaskog sang Japan sang defense capabilities paagi sa pagpataas sang public spending bilang pagpahugot sang seguridad sa tunga sang pagpamahog sang China, North Korea kag Russia.
