Masobra 3,000 ka mga empleyado, apektado sang pagpasarado sang PCSO gaming outlets sa Capiz

ROXAS CITY – Masobra 3, 000 ka mga empleyado ang apektado sa karon sa hinali nga pagpasarado sang tanan nga mga gaming operations sang Philippine Charity Sweepstakes Office (PCSO) sa probinsiya sang Capiz.

Ini ang kasunod sang mandatu nga pagpasarado ni Presidente Rodrigo Duterte sadtong adlaw sang Sabado bangud sa isyu sang korapsiyon.

Mahibaluan nga sa probinsiya sang Capiz, nagalab-ot sa 85 ka mga gaming outlets sang PCSO ang ginpasarado.

Sa pihak sini ginpasiguro sang pamunuan sang PCSO-Capiz nga magapadayon ang ila nga pagbaton sa aplikasyon para sa ila nga charity services.

Magapadayon ang ila nga paghatag sang bulig sa idalom sang Individual Medical Assistance Program (IMAP).