Apektado ang kabug-usan 309,518 nga indibidwal ukon 85,415 nga pamilya sa pila ka rehiyon sa Luzon bangud sa pagpanglaslas sang bagyong Nika kag bagyong Ofel.
Sa datos sang National Disaster Risk Reduction and Management Council (NDRRMC) ang nasambit nga numero sang mga apektado ang nagikan sa Ilocos region, Cagayan valley, Central Luzon, Bicol kag Cordillera Administrative region.
Kung sa diin yara sa masobra 26,000 nga indibidwal ang nagapabilin nga yara sa mga evacuation center samtang masobra 19,000 naman nga mga indibidwal ang temporaryo nga nagapuyo sa iban nga mga lugar.
Sa nasambit nga numero 2 ang ginapahayag nga pilason sa Central Luzon.
Samtang, napagkit naman sang ahensya ang kabug-usan nga
320,658,974 nga balor sa sektor sang imprastruktura sa Central Luzon.
2,000 naman nga mga puluy-an ang nawasak kung sa diin kadam-an ang napagkit sa Cagayan valley kag kabug-usan 153 road sections kag 91 nga tulay ang naapektuhan bangud sa mga pagbaha.
Sa karun, nagapadayon ang pagpangtan-ay sang mga bulig nagikan sa gobyerno kung sa diin naglab-ot na sa masobra P10.646 million nga relief assistance ang napangtagtag.
