Aprubado na sa Senado ang proposed P6.793 trillion nga national budget para sa 2026 matapos maangkon ang boto nga 17 nga pabor kag wala sang abstention sa plenary session sang Martes, Disyembre 9, 2025.
Ang House Bill No. 4058 ukon ang General Appropriations Act of 2026 ang sa subong lunsay nga aprubado na sang Kamara kag Senado.
Ginalauman ang bicameral conference committee umpisa Disyembre 11 tubtob 13 agud nga tingubon ang magkalain-lain nga bersyon sang budget.
Pagkatapos sini nga ma-reconcile, ibalik ang proposed budget sa duha ka kapulungan para sa pagkumpirma antes ini ipasa kay President Ferdinand Marcos Jr. para sa pinal nga pagpirma.
Ang nasambit nga budget ang nakasentro sa pagpadayon sang mga programa kag proyekto sang gobyerno para sa masunod nga tuig.
