Ginarekomendar sang Department of Agriculture (DA) ang pagtaas sang taripa para sa rice imports kun magnubo sang mas malagko ang retail price sang bugas sa ulihi sa periodic review sini sa mga masunod nga apat ka bulan, suno kay Secretary Francisco Tiu Laurel Jr.
Ang ideya sang pagtaas sa rice import tariff rate, ang ginpanubo san 15% nga nagikan sa 35% tubtob 2028 sa idalom sang Executive Order No. 62, kun ini ang mangin pabor nga kondisyon.
Dugang pa ni Laurel nga ginamandato sang EO 62 ang periodic review sang tariff rates sa kada apat ka bulan halin sa mangin epektibo sang kasuguan sa Hulyo 6 kag kun ang presyo sang bugas ang maganubo sa magkatuhay sang P42 kada kilo kag P45 kada kilo, ginarekomenda sang DA ang pagpataas sa traipa sa mga imported nga bugas.
Sa karon, ang presyo sang well-milled rice ang yara sa P52 tubtob P55 kada kilo.
Ginpahayag sang DA chief nga naintindihan sini ang sitwasyon sang local rice farming sector, apang kinahanglan man nga ipanubo ang rice tariff sa subong nga tyempo bangud sa mahal nga presyohanay sang bugas.
Sa pihak nga bahin, indi suno diri pagpabay-an sang DA ang local farmers tungod may mga programa sila nga igahatag sa mas madamo nga inputs sa mga mangunguma agud madugangan ang mangin kita sini.
