ROXAS CITY – Luyag nga ibalik sang alkalde sang Panay ang ordinansa nga nagpanukot sa mga negosyante nga nagakuha sang pakinhason sa banwa kag ginadala ini para ibaligya sa banwa sang Pontevedra kag syudad sang Roxas.
Ini ang ginpahayag ni Panay Mayor Felipe Barredo sang ma-interview sang Bombo Radyo Roxas.
Suno kay Barredo magapahamtang sila sang manugbantay sa Barangay Lanipga, Panay nga magatsekyar sa mga negosyante nga may karga nga mga pakinhason ukon seafoods nga ginadala sa banwa sang Pontevedra agud mahibaluan kun nakabayad sang auxiliary invoice.
Ginpanindugan ni Barredo nga madamo sang mga g pakinhason sa banwa sang Panay nga ginadala sa Pontevedra kag didto ginabaligya.
Bangud diri kinahanglan nga magbayad sang auxiliary invoice antis nila ipaguwa ang produkto sa banwa sang Panay.
Ginpahayag ni Barredo nga mahimu pa nga makadugang sa income sang Panay ang makolekta nga auxiliary invoice nagikan sa mga negosyante.
May yara sang ipatuman nga taripa sa kada chest box nga ginapaguwa sa banwa sang Panay kag ibaligya sa Pontevedra kag syudad sang Roxas.
