Menor de edad nga may problema sa paminsaron, naghikog-patay

ROXAS CITY – Patay ang isa ka menor de edad matapos ginaalegar naghikog sa Barangay Daanbanwa, Tapaz, Capiz.

Ginkilala ang biktima kay Arvin Ismao, 15 anyos, residente sang nasambit man nga lugar.

Base sa inisyal nga imbestigasyon sang Tapaz PNP, nakit-an na lamang sang iya tiya nga si Madilyn Valderama ang biktima sa guha sang ila balay nga nagabitay sa puno sang avocado gamit ang nylon cord kag wala na sang kabuhi.

Ginapahayag nga may yara sang deperensiya sa paminsaron ang nasambit nga menor de edad.

Nahibaluan nga yara sa nagatrabaho sa luwas sang pungsod ang iloy ni Ismao kag separado naman sa iya amay kag ang iya na lamang nga tiya ang naga-atipan sa iya.