ROXAS CITY -Gin-athag sang Department of Health (DOH) Region-6 nga mahimo na ma release sa mga quarantine facilities ang mga gina-quarantine nga mga Returning Overseas Filipino (ROF) sa tion nga matapos na ang ila pagpaidalum sa 14-day quarantine apisar nga wala pa nag-abot ang resulta sang ila RT-PCR Test.
Ini ang gin-athag ni Dr. Marie Jocelyn Te -Medical Coordinator Emerging and Re-emerging Infectious Diseases sang DOH-Region 6 sang mainterview sang Bombo Radyo.
Gin-athag ni Te nga may yara sang diskresyon ang LGU’s nga mapaguha sa mga quarantine facilities ang mga ROF’s sa tion nga matapos na ang ila 14-day quarantine apisar nga wala pa nag-abot ang resulta sang mga swab test.//
Apang gin-athag man ni Te nga para gid lamang ini sa mga Asymptomatic nga mga gina-quaratine.
Suno kay Te ang mga ROF’s nga nakita-an sang mga sintomas ang indi mahimo nga mapaguha sa mga quarantine facilities sa pihak nga nagtakup na ang 14-day quarantine.
Gindugang pa ni Te nga wala sang dapat kabalak-an bangud manubo ang tsansa nga makalaton pa sang virus ang mga pasyente nga nakatapos na sang 14-day quarantine.
Samtang ginapakamaayo sa gihapon ni Te nga magpatigayon sang contact tracing kag ipaidalum sa RT-PCR test ang mga na close contact sang mga nagpositibo sa COVID-19, agud masiguro nga hilway ini sa virus.
