Apektado sang mas mataas nga taripa sang US ang mga barato nga balaligyaan sang Libro bangud sa mas mataas nga shipping cost, baylo sang kuwarta, kag pagka-delay sang shipment.
Suno sa Booksale Philippines, isa sa pinakadako nga discount bookstore sa pungsod, napilitan sila nga maglunsyar sang isa ka bulan nga sale sa diin nakabaligya sila sang masobra 10,000 ka mga libro sa balor nga P5 kada isa agud mapadasig ang stock turnover kag mapabilin ang cash flow.
Suno naman kay Joshua Emmanuel Sison, presidente sang Visual Mix Inc nga nagapadalagan sang Booksale, nga indi nila gilayon mapasaka ang presyo bangud mahimo nga magnubo ang demand.
Padayon man sila nga nagapakig-angot sa mga supplier sang U.S. kag U.K. kag pagpadasig sang online sales agud mapadayon ang mga operasyon.
Dugang pa, ang Booksale nagabuligay sa iban nga mgabrand sa pag-engganyo sa mga pamatan-on nga magbasa sang naimprinta nga mga libro sa tunga sang panahon sang digital media.
