Ginahingyo sang mga hog raisers sa gobyerno nga ibalik ang 40% nga taripa sa karne sang baboy bangud sa pagdamu sang mga imported nga karne nga nagresulta sa sobra nga supply kag pagnubo sang farmgate prices.
Suno kay National Federation of Hog Farmers Vice Chairman Alfred Ng, ang mas manubo nga taripa nga ginpatuman sang tuig 2021 bangud sang swine fever ang may malain na nga epekto sa mga local hog raisers sa subong kag indi na makabig nga practical.
Naglab-ot sa masobra 850 million kilos ang kabug-usan nga pork imports sa pungsod rason sa pagtaas sang 16% sang tuig 2025 kag tuman nga nakaapekto sa presyo sa merkado.
Pahayag pa niya, nagnubo naman sang 14% ang average liveweight hog prices sang baboy sa fourth quarter sang 2025 apisar sa mga bulan nga masami nga may mataas nga demand.
Bilang sabat sa daku nga pagnubo, gintugutan sang Department of Agriculture (DA) nga pataason ang floor price para sa buhi nga mga baboy sa P210 per kilo.
Sa pihak sang pagnubo sa farm level, nagapabilin nga mataas ang retail price sang karne sang baboy sa wet markets, bisan pa nga ang landed cost sang imported pork ang nagnubo na sa P120 kada kilo.
