-- ADVERTISEMENT --
Nagalaum ang mga jeepney driver nga mahatag na ang fuel subsidy nga ginpromisa sang gobyerno.
Sa interview sang Bombo Radyo kay Rolly Quiats, jeepney driver nga may rota sa Maayon, Capiz, iya ginpahayag nga bangud sa tuman kamahal sang gatong, dako gid nga bulig ang subsidiya sa ila panggastos sa adlaw-adlaw.
Suno kay Quiats, bangud man sa matumal nga kita, natalana nga magpatuman sang “coding” ukon bulos-bulos sa pagbyahe agud magapadayon ang ila operasyon.
Ginahinyo man sini sa gobyerno nga kun mag-abot na ang subsidiya, tani indi sila pagpabudlayan sa mga requirements agud madali nila ini makuha.
