Padayon nga nagasaka ang numero sang mga manunudlo sa pampubliko nga mga buluthuan ang naga-resign sa Western Visayas kag ginapakamaayo nga magtrabaho sa lain nga talatapan.
Sa ginpaguwa nga datos sang Department of Education (DepEd) Region 6, yara na sa 184 ka mga manunudlo ang ginpili nga magpa-abroad kag ang iban sa mga ini ang nagsaylo sa iban nga mga ahensya sang gobyerno.
Indi mapunggan ang handum sang mga manunudlo para sa ikaayo sang pamilya kag kaugalingon.
Yari ang numero sang mga nag-resign nga mga manunudlo sa Western Visayas
•Aklan – 1
•Antique – 27
•Bacolod City – 21
•Bago City – 2
•Cadiz City – 8
•Capiz – 15
•Escalante City – 7
•Guimaras – 3
•Himamaylan – 1
•Iloilo 55
•Iloilo City – 6
•La Carlota City – 6
•Negros Occidental – 44
•Passi City – 5
•Roxas City – 11
•Sagay City – 11
•San Carlos City – 1
•Silay City – 3
•Sipalay City – 2
•Victorias City – 6
Sa pihak sang mga resignations sang mga manunudlo, ginapasiguro sang Deped nga magapadayon ang basic education kag indi maapektuhan ang kalidad sang pagtudlo sa mga kabataan.
Samtang, nagapadayon naman ang hiring sa mga kwalipikado nga naga-apply nga bag-o nga mga manunudlo.
