Indi na kinahanglan ni Ramil Madriaga nga mag-atubang liwat sa House Committee on Justice, bangud halos tanan nga importante nga mga pamangkot ang napamangkot na sa iya nauna nga testimonya suno kay Rep. Joel Chua.
Suno kay Chua, maid-id nga gin-review sang mga mamalidha ang supplemental affidavit ni Madriaga, lakip na ang nakalakip nga mga dokumento kag litrato, agud maklaro ang mga detalye. Ginsiling sini nga bastante na ang pagpangusisa agud ma-verify ang kaundan sang affidavit.
Dugang pa ni Chua, limitado man ang numero sang mga pamangkot nga mahimo ipamangkot sa tion sang hearing, bangud may mga isyu nga dapat istoryahan sa impeachment trial sa senado mismo.
Makapila man ka beses nga ginpauntat ni Rep. Gerville Luistro ang “probing questions” sang mga katapo sang komitiba.
Importante suno sa iya nga ma-athag ang mga pahayag ni Madriaga, ilabi na ang mga alegasyon sini batok kay VP Sara Duterte angut sa ginaalegar misuse of confidential funds.
Sa subong, indi pa sigurado kun ipatawag pa ini liwat para sa masunod nga hearings.
