ROXAS CITY, CAPIZ- Nakabaton sang cash assistance nagikan sa Roxas City Government ang mga pamilya nga nasunugan sa Barangay Dayao, Roxas City sang tinalikdan nga mga senemana.
Sa interview sang Bombo Radyo kay Punong Barangay Wennie Batuampo, iya ginpahayag nga nagbaton sang balor P15,000 ang anom tanan ka pamilya nga nasunugan.
Dugang pa sini, ang amo nga cash assistance ang nagatuyo nga makabulig sa pagbakal sang mga materyales sa pagpatukod sang panimag-o nga mga puluy-an sang mga ini.
Madumduman nga natigayon nga matupok sang kalayo lima ka mga puluy-an samtang isa naman ang partially burned sa amo nga sunog.
Samtang, naistoryahan naman na suno kay Punong Barangay Batuampo ang lokasyon sang pagatindugan sang panibag-o nga puluy-an sang mga nasunugan kag pagasuguran na sa masunod nga mga adlaw.
Interviewed by Bombo Francis Biñas
