ROXAS CITY – Ginhatagan sang pabahay ang mga anay rebelde sang CPP-NPA nga nagsungka sa katapo sang Philippine Army (PA) bilang isa ka programa nga nagasuporta kag benepisyo sa ila panibag-o nga pagpangabuhi.
Suno kay Captain Kim Apitong, 3IB sang Philippine Army, naglab-ot sa 46 ang na-neutralize nga mga CPP-NPA kun sa diin 6 diri ang nagsungka samtang 1 naman ang nadakpan.
Ini nga numero ang ginakabug-usan sang Panay kag Negros Oriental.
Sa karon, ginamonitor nila sa gihapon ang hulag sang mga rebelde apisar nga malinong sila sa subong nga mga tinion.
Posible isa sa mga rason kun ngaman wala sang aktibidad ang amu nga grupo, bangud sa asud-asod nga encounter kag mga nagkaladakpan nga mga top leaders sang CPP-NPA terrorists.
Samtang nagapadayon man ang combat operations kag mga proyekto kasubong sang “Akap Kapatid Program”, isa ka social and psychosocial intervention former NPA supporters.
