Ginkwestyon sang Korte Suprema ang pila ka mga financial records sang Philippine Health Insurance Corporation sa ika-duha nga oral arguments.
Kung sa diin kalakip diri ang ginapahayag P816-B nga deficit ukon utang sang PhilHealth kag ang pag-transfer sini sang P89.9-B nga pondo sa national treasury.
Mahibaluan nga gintalakay ni Associate Justice Amy Lazaro-Javier may kaangtanan sa pagpadayon sang oral arguments angut sa mga pondo sang PhilHealth.
Ginpamangkot ni Lazaro-Javier kay PhilHealth Senior Vice President Renato Limsiaco, Jr. kung nahibaluan sang ahensya ang angut sa pondo nga i-transfer sa National Treasury.
Antes masaylo ang P60-B nga excess fund sa National Treasury, na-record sang PhilHealth ang unpaid claims sang mga ospital, mga doktor, kag ila nga mga miyembro.
Sa datos sang DOF, sa P60-B nga pondo, P46.61-B diri nga pondo ang nagkadto sa health and social services, P27.45-B naman ang gingamit agud mabayaran ang “long-overdue Public Health Emergency Benefits and Allowances for Health Care and Non-Healthcare Workers” nga nagtrabaho sadtong tion sang COVID-19, P3.37-B agud makapatindog sang tatlo ka mga pasilidad sang Department of Health (DOH), P1.69-B para sa health facilities enhancement program, kag P13-B para sa infrastructure projects agud mapaayo ang healthcare access sa mga remote area.
