Nagapanghakroy ang pila ka mga vendors sa Teodoro Arcenas Trade Center ukon Lipunan sa maiwat nga kita sa kada adlaw.
Sa interview sang Bombo Radyo kay Elsie Dumapit, vendor sang prutas, iya ginpahayag mahina iya kita bangud man sa epekto sang padayon nga pagsaka sa presyo sang gatong.
Samtang, amo ini ang presyo sang pila ka prutas nga ginabaligya ni Dumapit: ang gamay nga lakatan nga saging nagabalor sang P70 kada kilo, dalandan kag alikunday P50 kada kilo, sab-a nga saging P40 kada kilo, daku nga lakatan nga saging P80 kada kilo, kag first-class nga daku nga alikunday P70 kada kilo, Ang kamote naman nagabalor sang P60 kada kilo.
Samtang, sa interview sang Bombo Radyo Roxas kay Wilfredo Dela Cruz manugbaligya sang utan, iya ginpahayag nga matumal ang kita sa kada adlaw.
Ginpahayag man sini, nga indi makaigo ang iya kita sa ila galastuhan sa bangud man sa padayon nga pagsaka sang mga balaklon.
