ROXAS CITY – Patay ang 39 anyos nga ginang matapos ginlabo sang iya kaugalingon nga mister sa Barangay Sibariwan, Dumarao, Capiz.
Ginkilala ang biktima kay Artely Padernal, residente sang nasambit man nga lugar.
Nag-angkon sang patal nga pilas sa liog ang biktima matapos ginlabo sang iya mister nga si Rely Padernal, 40 anyos, nga nagresulta sa iya nga kamatayon.
Base sa inisyal nga impormasyon, nagpangayo sang kwarta sa iya nga mister ang biktima agud ibakal sang mga kagamitan sa eskwelahan sang ila mga anak apang wala sang may mahatag ang suspek.
Didto kag nagbaisay ang duha tubtob sa nagkuha sang sanduko ang mister kag ginlabo ang tiayon sini.
Gindala pa sa ospital ang biktima apang gindeklarar nga dead on arrival.
Gilayon naman nga nadakpan ang suspek kag nakaaresto sa karon sa karsel sang Dumarao Municipal Police Station kag magapangatubang sa panumbungon nga Parricide.
(PHOTO FROM WEB)
