Kaangay nga unstoppable ang pambato sang Pilipinas nga si Ahtisa Manalo matapos magpanguna sa tanan nga voting categories para sa Miss Universe 2025, base sa pinakaulihi nga update sang Nobyembre 11, las-10 sang gab-i.
Sa kategorya nga People’s Choice, naglab-ot sa 177,561 nga boto ang nakuha ni Manalo, dako nga labaw sa mga karibal nga sanday Cambodia kag Vietnam.
Magluwas dira, nagapanguna man ang Filipina beauty queen sa iban pa nga kategorya kasubong sang sa Beyond the Crown: Beauty with a Purpose nga may yara sang 61,387 votes, Most Photogenic nga may yara sang 38,605 votes, Most Beautiful People nga may yara sang 14,158 votes, Best Evening Gown nga may yara sang 11,516 votes, Best National Costume nga may 18,732 votes, Miss Congeniality nga may 13,728 votes, kag Best Skin nga may yara sang 22,177 votes.
Samtang, nagapangduha sa nagkalain-lain nga kategorya ang mga kandidata halin sa Vietnam, Mexico, kag Indonesia, nga padayon man nga nagasaka ang boto sa online votes.
Ginakabig naman nga isa ka pamatuod sang dako nga suporta sang mga Pilipino kay Manalo, nga sa subong ginakilala bilang isa sa pinakamakusog kag matunog nga kandidata sa Miss Universe 2025 na ginapatigayon sa Thailand.
