ROXAS CITY-Patay ang miyembro sang Tapaz Security Force matapos nga ginbuno sa Barangay San Miguel Tapaz Capiz.
Ginkilala ang napatay kag biktima nga si Randy Giganto residente sang amo nga lugar.
Sandig sa imbestigasyon ni Police Senior Master Sergeant Rocer Garde nagaguha nga samtang naga-inom ang biktima kaupod sang iya nga utod sa balay ni Rosalie Libona, ginapahayag nga naghapit ang suspek nga si Ferdinand Hallegado nga namutikan nga yara sa idalom sang impluwensiya sang makahulubog nga ilimnon.
Nagpauli pa ang suspek agud magkuha sang makahulubog nga ilimnon apang sa pagbalik sini, may nagpatunga nga indi pag-intindihanay sa tunga sang duha ka mga persona kun sa diin hinali nga ginbuno sang suspek ang biktima.
Nag-angkon sang isa ka pilas sa dughan ang biktima nga gintunaan sang iya nga hilaw nga kamatayon.
Gindala pa sa Tapaz District Hospital si Giganto apang gindeklarar nga dead on arrival.
Samtang ang suspek ang nakahunong na sa karsel sang Tapaz Municipal Police Station matapos nga nagboluntaryo nga nagsungka sa isa ka Barangay Kagawad.
