Nag-desisyon ang Monetary Board nga buhinan ang Target Reverse Repurchase (RRP) Rate sang BSP sang 25 basis points tubtob 6.0 percent.
Gin-anunsyo ini sa ila monetary policy meeting.
Ang interest rates sa overnight deposit kag lending facilities ang gin-adjust sa 5.50 porsyento kag 6.50 porsyento.
Matigayon ang mga ini sa October 17 transactions.
Ang desisyon sang Monetary Board ang base sa assessment sini nga ang mga price pressure, manageable.
Nagnubo man ang risk-adjusted inflation forecast para sa 2024 sa 3.1 percent halin sa 3.3 percent sa nakaligad nga pagtilipon.
Apang, ang mga pagtaya nga nagabagay diri para sa 2025 kag 2026 ang hagan-hagan nga nagtaas sa 3.3 porsiyento kag 3.7 porsiyento.
Ang development nga ini ang sulod gihapon sa nauna nga pagtaya.
Ang balance of risk sa outlook para sa 2025 kag 2026 ang nangin upside trend bangud sa mga potensyal nga pagkay-o sa mga rate sang kuryente kag mas mataas nga minimum nga sweldo sa mga lugar sa guwa sang Metro Manila.
Samtang, ang mga downside factors ang padayon nga ginaangut sa epekto sang mas manubo nga mga taripa sa pag-import sa bugas.
Ginalauman sang Monetary Board nga padayon nga mangin mabaskog ang domestic economic growth.
Ginapakita sini ang mga ginpaayo nga prospect para sa kita kag pagkonsumo sang pumuluyo, mga pagpamuhunan, kag paggasto sang gobyerno, nga ginasuportahan sang pagsugod sang monetary easing cycle sa Agosto kag ang ginpahayag nga pagbuhin sa mga kinahanglanon sa reserba sang Oktubre.
Sa balanse, padayon nga ginasuportahan sang within-target inflation outlook kag well-anchored inflation expectations ang pagbalhin sang BSP padulong sa indi ma-istrikto nga patakaran sa pinansyal.
Apang, padayon naman nga ginatutukan sang monetary authority ang mga nagalutaw nga konsiderasyon sa inflation, kalakip ang mga geopolitical factors.
Ginalauman man nga ipabilin sang Monetary Board ang isa ka nasukat nga diskarte sa easing cycle sini agud masiguro ang katatagan sang presyo nga nakabulig sa napabilin nga pagsanyog sang ekonomiya kag trabaho.
