ROXAS CITY – Patay ang 50 anyos nga mister matapos ginbitay ang iya kaugalingon sa sulod sang ila balay sa Barangay Jumaguicjic, Roxas City.
Ginkilala ang biktima kay Rogero Gregorio, residente sang nasambit man nga lugar.
Base sa inisyal nga impormasyon, isa ka barangay kagawad ang nagpanawag sa talatapan sang pulisya kag nagpalab-ot sang impormasyon nga may lalaki nga nagbitay sa nasambit nga barangay.
Gilayon naman nga nagresponde ang mga kapulisan kun sa diin naabtan ang biktima nga nakasabitay sa ila nga kusina nga may higot sa liog kag wala na sang kabuhi.
Mahibaluan nga na-stroke ang biktima kag indi na sini halos mahulag ang katunga sang iya nga lawas.
Naga-isahanon lamang ang biktima sang natabo ang insidente bangud nagpadulong sa banwa sang Pontevedra, Capiz ang iya misis agud mag-trabaho.
