Ginpanginwala sang anay aktres nga si Nadia Montenegro nga nagagamit siya sang marijuana ukon nagapanigarilyo sa comfort room sang senado malapit sa office ni Senador Robin Padilla.
Suno sa report sang Office of the Sergeant-at-Arms, gin-ako niya nga may yara siya sang vape sa iya bag, nga suno sa iya mahimo nga amo ang ginhalinan sang baho.
Base sa report ni Senate Security Officer Victor Patelo, may duha ka ginreport nga insidente sang mabaskog kag tumalagsahon nga baho nga naghalin sa ladies’ comfort room malapit sa extension offices sang mga senador.
Suno sa report, isa ka lalaki nga staff member ang nagtawag sa assigned security personnel sa 5th floor agud ireport ang mabaskog nga baho sa ila lugar.
Pag-abot, ginkumpirmar sang security guard ang makatilingala nga baho apang wala ini sang naobserbahan nga nagapanigarilyo sa palibot.
Ang ikaduha nga insidente natabo sang Agosto 12, 2025 sa amo man nga oras kag lugar.
Ginapahayag nga ang isa ka lalaki nga staffer gikan sa opisina ni Senador Panfilo Lacson nagreport sang baho nga kaangay sang marijuana nga naghalin sa ladies’ comfort room kag nagapakita nga Montenegro lang ang yara sa lugar sadto nga tion.
Sa karon, Gina-verify pa sang Senado ang amo nga report.
