ROXAS CITY – Wala pa matumod ang identity sang duha ka mga npa rebels nga napatay sa engkwentro batuk sa mga katapu sang 61st Infantry Battalion sang Philippine Army sa Sitio Maknoy, Barangay Jebaca, Maayon, Capiz.
Sa interview sang Bombo Radyo kay Lt. Col. Leonardo Peña, battalion commander sang 61st IB, ginpahayag sini nga naka-alerto sa karon ang militar sa posible nga retaliatory attack sang rebelde nga grupo labi na nga may napatay sa ila bahin.
Antes nagluntad ang engkwentro may report nga nakalab-ot sa militar nga nakita ang presensiya sang armado nga grupo sa lugar.
Nagapatrolya ang mga katapu sang 61st IB sang nagsugat-anay sila sang mga npa sa pagpamuno ni Ka Reagan ukon Romulo Gangoso kag diri nagsugod ang engkwentro sa tunga sang duha ka grupo nga nagdugay sang 30 minuto.
Samtang gin-ako sini nga wala nalipay ang militar nga may napatay nga rebelde, bangud Pilipino man ang mga ini, apang natabuan lamang nga lain ang ila nga pagpati.
