Naglab-ot na sa apat ang ginreport nga napatay bangud sang bagyo Crising sa pungsod.
Suno sa National Disaster Risk Reduction and Management Council (NDRRMC), isa ang napatay sa CARAGA region, duha sa Northern Mindanao, kag isa sa Davao Region.
Padayon man ang imbestigasyon sang NDRRMC sa report nga tatlo ang napilasan kag apat pa ang missing.
Narekord man sang NDRRMC nga 132,835 ka pamilya ang apektado ukon katumbas sang 420,355 ka mga indibidwal.
Ang MIMAROPA ang worst-affected region sa pungsod nga may 1,896 ka pamilya nga apektado, ginasundan sang Region 9 nga may 1,519 ka pamilya.
Nabalik man ang supply sang kuryente sa kalabanan nga mga lugar nga apektado sang nasambit nga bagyo.
Ginbulubanta man sang NDRRMC nga may kabug-usan nga P165-million ang kahalitan sa imprastraktura.
