ROXAS CITY – Naga-eksperyensiya sa karon sang pagka-trauma si Baltazar Saldo sang Barangay Sto. Angel, Dumalag, Capiz matapos nasal-an nga lider sang rebelde nga grupo nga gin-aresto kag ginserbihan sang apat ka warrants of arrest sang mga otoridad sa Poblacion Tacas, Cuartero, Capiz.
Suno kay Saldo, wala ini nagadahum-dahom nga pagadakpon siya sang mga miyembro sang Police Regional Office 6, Regional Intelligence Division kag Philippine Army 61st Infantry Battalion sa kaso nga indi man siya nga kahimuan.
Kasunod sang paghilway kay Saldo, gilayon ini nga nagpadulong sa talatapan sang Cuartero Municipal Police Station kag ginpabalhag ang natabo nga sala nga pag-aresto sa iya kag ginpresentar pa sa atubang sang media sa PRO6.
Samtang, ginpahayag naman ni Col. Joem Malong, ang tagpamaba sang PRO6 nga apisar na-released na si Saldo, indi pa nila makompirmar nga ‘mistaken identity’ gidman ang natabo.
Ini bangud may yara man suno sa iya sang witness nga nagtudlo kay Saldo nga lider sang rebelde nga grupo.
Mahibaluan nga sa ginpatigayon nga validation naguha nga nasal-an lamang si Saldo nga si Virgilio Paragan, commanding officer sang ng Roger Mahinay Command, Komiteng Rehiyon-Negros sang Communist Party of the Philippines-New People’s Army (CPP-NPA) sadtong tuig 2000 tubtob 2004 nga madugay na nga ginaayam sang mga otoridad.
