Ginpanginwalaan ni National Bureau of Investigation ukon NBI Director Atty. Melvin Matibag nga dapat anay suspindihon si Senate President Alan Peter Cayetano antes siya, may kaangtanan ini sa nagluntad nga pagpangluthang sa Senado sang nagligad nga semana.
Suno kay Matibag, kon “command responsibility” ang basehan, ang pinakamataas nga lider sang Senado ang dapat una nga manabat kag mapatawan sang preventive suspension. Ini matapos nga ginpatawan sang Ombudsman sang preventive suspension si Acting Senate Sergeant-at-Arms Mao Aplasca agud mapreserbar ang posible nga ebidensya sa insidente.
Ginpahayag man sang NBI chief nga handa siya nga mag-atubang sa imbestigasyon kag sa posible nga silot kon mapamatud-an nga may responsibilidad siya sa natabo.
Sa pihak nga bahin, ginpabutyag man ni Matibag nga indi matuod nga “under attack” ang Senado sang natabo ang pagpangluthang. Ginpasalig niya nga ginatugyan na nila sa Department of Justice kag sa Special Panel of Prosecutors ang dugang nga imbestigasyon sa kaso.
