Nagpositibo sa gunpowder residue ang isa ka driver sang National Bureau of Investigation nga nadakpan bangud sa pagpangluthang sa sulod sang Senate of the Philippines, suno sa Southern Police District.
Suno kay Margaret Panaga, positibo sa presensya sang gunpowder ang suspetsado nga ginpakilala sa alyas nga “Mel Oragon.”
Gindakop ang suspetsado kag ginpasakaan sang nagkalain-lain nga kaso lakip na ang paglapas sa Comprehensive Firearms and Ammunition Regulation Act kag paglapas sa security protocols sang Senado.
Matandaan, natabo ang insidente sang Miyerkules sang gab-i sa sulod sang Senate compound sa GSIS area, kun sa diin makapila ka beses nga nagpabuto sang armas ang suspetsado.
Samtang, ginpahayag sang abogado kag asawa sang suspetsado nga driver lamang ini sang isa ka NBI operative kag indi regular nga empleyado sang ahensya.
