Gina-imbestigaran sang National Bureau of Investigation (NBI) ang tanan nga indibidwal, kalakip si Davao City Mayor Sebastian “Baste” Duterte, nga ginaalegar nagpagwa sang pagpamahog batuk sa First Family kag sa gobyerno.
Suno kay NBI Director Melvin Matibag, indi lamang si Mayor Duterte ang sakop sang imbestigasyon kundi tanan nga yara sa likod sang mga pamahog, kalakip ang mga social media account nga ginapahayag nagapalapta sang kasubong nga mga pahayag.
Gin-athag sang NBI nga natyempohan lamang nga kadungan sang imbestigasyon ang pahayag ni Mayor Duterte rason nga nag-angkon sang sala nga interpretasyon nga siya lang ang ginatirada.
Padayon man nga gina-usisa sang ahensya ang mga report kag testimonya natuhoy sang ginaalegar plano batuk sa Presidente nga nabuyagyag sa isa ka hearing sa Kamara.
