Nagpatigayon sang operasyon ang National Bureau of Investigation (NBI) sa isa ka exclusive subdivision sa Makati City agud magserbe sang arrest warrant batok sa fugitive nga negosyante nga si Charlie “Atong” Ang, may kaangtanan man sa kaso sang nadula nga sabungeros.
Suno sa report, matapos nga nag-coordinate sa barangay kag homeowners’ association, gilayon nga ginkadtuan sang NBI ang isa ka balay nga ila ginapatihan ginapanag-iyahan sang isa sa mga bata ni Ang.
Sa una nga imbestigasyon, nakita sang mga ahente ang gwardya sang balay, kag sa pag-usisa, ginpakita niya nga ang balay narehistro sa ngalan sang anak ni Ang.
Sang nagpangayo sang pahanugot ang mga ahente nga magsulod, wala sila ginpasulod apang ginpahulat sila nga mag-abot ang mga abogado ni Ang.
Wala nag-usik sang tion ang NBI kag gilayon nga ginpahamtang ang ila drone unit, nga nag-survey sa bug-os nga perimeter sang balay agud masiguro nga wala sang may makapalagyo. Ang drone nakatutok sa likod sang compound agud mabantayan ang tagsa ka hulag.
Makaligad ang pila ka oras, nag-abot ang mga abogado ni Ang, kag limitado lang nga mga ahente, lakip na ang mga tiglawas gikan sa barangay, ang ginpasulod agud mag-file sang arrest warrant bangud pagkatapos nga gin-usisa ang mga hulot, banyo, kag mga salakyan sa sulod sang compound, wala gihapon makita si Ang.
Apisar nga wala madakpan si Ang, padayon ang operasyon sang NBI, suno kay Head Agent Palmer Mallari,spokesoerson sang NBI, padayon ang pagbaton sang tip sang NBI halin sa publiko.
Madumduman nga naglab-ot na sa P20 million ang reward money sa makahatag sang impormasyon sa nahamtangan ni Ang.
