Nakahanda ang National Bureau of Investigation sa ano man nga oras nga maglunsyar sang all-out operation sa paglagas kay Senador Ronald ‘Bato’ Dela Rosa.
Ginpahayag ni NBI Director Melvin Matibag nga indi malikawan ang maduguon nga engkwentro sa tion nga ipatigayon ang operasyon.
Gindugang sini nga bangud isa ka anay hepe sang Philippine National Police (PNP) si Dela Rosa, sigurado nga may mga abyan ini gikan sa serbisyo nga nagaprotekta sa iya.
Isa sa mga rason nga posible may engkwentro bangud wala pa na-surrender sang Senador ang tanan niya nga armas.
Himuon suno sa iya ang tanan agud malikawan ang anuman nga maduguon nga engkwentro.
Madumduman sa bulan sang Nobyembre isa na ka tuig humalin sang ginpaguwa sang International Criminal Court (ICC) ang arrest warrant batok kay Dela Rosa bangud nangin kabahin siya sang war on drugs ni anay President Rodrigo Duterte.
