Gin-anunsyo sang National Bureau of Investigation (NBI) nga ila paga-imbestigaran ang notaryo kag ang relasyon sini sa 18 ka mga ex-marines nga nagpasa sang isa ka joint-affidavit sa Office of the Ombudsman.
Suno kay NBI Dir. Atty. Melvin Matibag, katuyuan sang imbestigasyon nga mausisa ang pagnotaryo kag kun sin-o ang yara sa likod sang pagpasa sang pareho nga affidavit, bangud nga ginadudahan niya kun paano mahimo nga magkapareho ang salaysay sang dise-otso ka mga indibidwal sa isa ka dokumento.
Ginsiling man niya nga igapatawag ang mga soldado agud maghatag sang magkalain-lain nga testimonya, kasunod sa pahayag ni Ombudsman Jesus Crispin Remulla, nga kinahanglan lain ang salaysay sang kada isa.
Nagapati si Matibag nga ang affidavit ang kinahanglan nga naghalin sa personal nga ihibalo sang mga indibidwal, rason nga tumalagsahon ang magkapatong nga impormasyon halin sa madamo nga tawo.
