Pagahatagan sang promosyon sang Philippine Coast Guard (PCG) si Pinay boxer kag Olympic bronze medalist Nesthy Petecio matapos magdaog sang bronze medal sa Paris Olympics 2024.
Sa isa ka pahayag, ginkumpirmar sang PCG nga humalin sa ranggo sa karon ni Petecio bilang Petty Officer Second Class, i-promote ini sa Petty Officer First Class.
Suno kay Coast Guard commandant Admiral Ronnie Gil Gavan, ang pagkadaog ni Petecio ang isa ka inspiring achievement para sa mga kabataan.
Nagpaabot man si Adm. Gavan sang buong puso nga pagdayaw sa ngalan sang mga kababainhan kag kalalakinhan sang PCG kay CG officer Petecio sa pagkadaog sini sa Olympics.
Dugang pa sini, ginpakita ni Petecio ang matuod nga diwa sang isa ka kampeon kag nangin inspirasyon indi lamang sa kapwa sini coast guardians kundi mangin sa mga Pilipino sa pag-abot sang ila mga handum.
Matandaan nga na-secure ni Petecio ang bronse nga medalya matapos nga malutos ang Chinese opponent sini nga si Zichun Xu sa quarterfinal round, bisan pa nga napaslawan ini nga makausad sa finals sang ginlutos inin sang iya Polish opponent nga si Julia Szeremeta sa women’s boxing 57kgs semifinals via split decision sa score nga 4-1.
