Ginsiguro sang National Food Authority (NFA) nga may bastante nga buffer stock sang palay ang pungsod para sa tion sang tig-ululan.
Sa Bagong Pilipinas Ngayon, ginpahayag ni NFA Acting Administrator Larry Lacson nga nakapamili sila sang mas madamu nga humay sa mga mangunguma kag nalab-ot na ang target nga buffer stock.
Manami suno ang buffer stock subong sang NFA rason nga nakahanda na suno ang ahensiya sa gina-atubang ilabi na subong nga panahon sang tig-ululan.
Suno pa kay Lacson, nagahiwat na sila subong sang milling kag handa na sa pagpasulod sang panahon sang ani para sa wet season.
Bangud sini, wala sang dapat nga kabalak-an ang publiko bangud apisar ulanon kag bagyuhon ang pungsod bastante ang buffer stock para sa kinahanglanon sang publiko.
