Noche buena items wala sang paghulag sa presyo – DTI Capiz

ROXAS CITY – Wala sang paghulag sa presyo sang mga noche buena items sa probinsya sang Capiz subong nga Christmas season.

Ini ang ginpahayag ni Ms. Ken Quennie Cuñada, Provincial Director sang Department of Trade and Industry – Capiz sang mainterview sang Bombo Radyo.

Suno diri, ang mga dalagkuan nga grocery stores kag supermarkets ang hugot nga ginapatuman ang price guide nga ginpaguwa sang ahensya natuhoy sa mga noche buena items.

Gani wala sang may namonitor nga pagtaas sa presyo sang mga balaklon.

Ginasiguro naman ni Cuñada nga maga-atubang sa sanctions kag penalidad ang magalapas sa pagsulundan sang DTI.

Samtang, ginapanan-aw nga sa masunod nga tuig may pagtaas sa presyo sang pipila ka mga produkto.