-- ADVERTISEMENT --
ROXAS CITY – Presuhan ang ginsudlan sang 18-anyos nga notoryus nga kawatan sa syudad sang Roxas matapos nadakpan sang ginkawatan nga manunudlo sa San Roque extension, Barangay 8, sining syudad.
Sa imbestigasyon sang Roxas City PNP nagaguwa nga nadakpan sang manunudlo kag sang utod sini ang suspek nga si Ken Villanueva sang Purok 2, Barangay Libas, Roxas City nga yara sulod sang ila compound.
Nagtuyo pa nga magpalagyo ang suspek, apang nakorner na ini sang mag-utod nga biktima.
Sa pagrekisa kay Villanueva, nakuha sa bulsa sini ang relo kag duha ka gold nga singsing.
