ROXAS CITY – Nagataas ang numero sang mga kabarangayan nga na-deklarar na bilang Drug Cleared Barangay sa bug-os nga Western Visayas.
Suno sa Philippine Drug Enforcement Agency (PDEA) Oversight Committee sa 473 ka mga kabarangayan sa probinsiya sang Capiz, may 305 na ka mga barangay ang nadeklarar nga drug cleared.
Sa datus sang PDEA nagapanguna sa may pinakamataas nga numero sang mga nakadeklarar sang drug cleared barangay ang probinsya sang Antique, ginasundan sang Guimaras, nagpangtatlo ang Aklan, nagpangapat ang Capiz, nagapanglima ang Iloilo kag nagpang-anum ang Negros Occidental.
Sa karon mismo ang PDEA Oversight Committee ang nabudlayan nga magvalidate sang mga kabarangayan bangud may mga nadakpan sa mga ginpatigayon nga drug buy bust operation ang liwat nga nadakpan.
Bangud diri nagapati ang PDEA nga kinahanglan ang maidid nga monitoring sang Barangay Anti-Drug Abused Council (BADAC) sa mga drug personality nga liwat nagbalik sa pagduso ukon paggamit sang illegal nga druga.
Sa karon nagahinyo sang kooperasyon sang publiko ang PDEA agud matapna ang pagduging sang droga sa ila lugar.
