Naglab-ot na sa 10 ang mga napatay sa pagkarumpag sang siyam ka panalgan nga ginatukod nga building sa Angeles City, Pampanga matapos narekober sang mga otoridad ang isa pa ka bangkay kahapon nga adlaw, Mayo 31.
Padayon pa nga ginahibalo sang mga otoridad ang identity sang biktima.
Una na nga narekober sa separado nga retrieval operations ang ika-walo kag ika-siyam nga biktima las 2:51 kag las 3:43 sang hapon. Isa naman ka lalaki nga biktima ang nakuha alas 7:42 sang aga.
Suno sa mga otoridad, wala sang may dala nga identification ang tatlo ka mga biktima sang nasapwan ang ila bangkay.
Padayon pa ang retrieval operations gamit ang heavy equipment kag manual digging samtang maid-id nga ginatumod sang mga rescuers ang iban pa nga posible biktima.
