Naglab-ot na sa 41 katao ang patay sa pagkulob sang MV Barima ferry sa kadagatan nga sakop sang Guyana.
yara naman 69 ka tawo ang naluwas, samtang 83 pa ang ginapangita sang mga rescuers.
Suno kay Prime Minister Mark Phillips, padayon ang search and rescue operation kag nagalaum pa sila nga may makita nga mga survivors.
Gin-umpisahan naman ang imbestigasyon agud mahibaluan ang matuod nga kabangdanan sang trahedya.
Suno naman kay Public Works Minister Juan Edghill, nagpositibo sa cannabis ang kapitan sang ferry kag ang isa ka crew member.
Nahibaluan nga hugot nga ginadumilian ang paggamit sang ilegal nga droga ukon makahulubog nga ilimnon samtang nagadumala sang barko.
Sa subong, yara na sa kustodiya sang kapulisan ang kapitan kag pila ka crew members.
Base sa pahayag sang isa ka survivor, nagtakilid ang ferry matapos maigo sang dalagko nga balod kag gilayon nga ginsulod sang tubig.
