Temporarayo nga gin-suspend sang oil industry sources ang pagtaas sang presyo sang diesel sa pila ka lugar sa pungsod bilang sabat sa epekto sang malain nga panahon.
Pila sa mga lugar nga suspended ang pagtaas sang presyo ng automotive diesel oil amo ang mga probinsya sang La Union, Ilocos Sur, Pampanga, kag pila ka bahin sang Pangasinan, kalakip ang Basista, San Carlos, Calasiao, Malasiqui, Mangatarem, Mangaldan, kag Umingan.
Subong man sa Maynila, Caloocan, Quezon City, Cavite, Rizal, Laguna, Pampanga, Maysilo (Malabon), Alabang-Zapote (Las Piñas), Marikina, Meycauayan (Bulacan), Tanauan (Batangas), Dinalupihan (Bataan), kag Dagupan (Pangasinan).
Nagsugod ang price freeze sini nga Lunes, nga may katuyuan nga buligan ang mga residente nga apektado sang malain nga tyempo tuga sang habagat kag asud-asod nga bagyo nga sanday Crising, Dante, kag Emong.
Base sa pinakaulihi nga report, naglab-ot na sa 34 ang numero sang mga napatay bangud sa gintingub nga epekto sang Southwest Monsoon kag mga tropical cyclone.
