Nagbukas na ang One Sigma Dialysis Center sa banwa sang Sigma, agud maghatag sang serbisyo sa publiko.
Sa interview sang Bombo Radyo kay Sigma Mayor Dante Rizal Eslabon, iya ginpahayag nga ang nasambit nga inisyatibo ang natigayon nga matukod sa bulig sang tanan nga Sangguniang Bayan Members kag sang pila ka mga partners.
Suno kay Mayor Eslabon,ang dialysis center ang may yara sang mga high-technology machines nga magamit sang kapin 400 ka mga pasyente sa kada adlaw.
Pahayag pa niya, may yara man sang transport vehicle nga maga-sugat kag dul-ong sa mga pasyente agud nga indi na mabudlayan sa ila nga pagbyahe.
Gin-athag man sang natungdan nga ang dialysis center ang wala sang bayad,bukas 24 oras kag pagaserbehan apisar indi pumuluyo sang banwa sang Sigma.
