Indi nangin upang ang ulan sa minilyon nga mga tawo nga naglantaw sang pormal nga pagbukas sang 2024 Paris Olympics.
Nagdala sang mga payong kag kapote ang kadam-an agud saksihan ang makasaysayan kag tumalagsahon nga pagbukas sang Olympics nga ginhiwat sa River Seine.
Mahibaluan nga indi pareho sa mga nakaandan na nga sa stadium ini ginahiwat kundi ginpatigayon ini subong sa River Seine kun sa diin nakasakay sa mga bangka ang mga delegado samtang nagaparada.
Magkaupod naman sanday French President Emmanuel Macron kag International Olympic Committee (IOC) President Thomas Bach nga naglantaw sa parada.
Kaangay sang kinaandan na nga tradisyon, ginsuguran ang parade pinaagi sa pagparada sang Olympic Torch nga ginsundan sang barko sang Greece nga amo ang pungsod kun sa diin didto nagsugod ang makasaysayan nga Olympics.
Ginpatunog man ang kampana sang Norte-Dame de Paris Cathedral sa labing una nga kahigayunan.
Ini ang una nga kahigayunan nga nagtunog ang kampana halin sang gintupok sang kalayo sadtong Abril 2019.
Nagpanguna naman ang singer nga si Lady Gaga sa pagkanta sa Opening ceremony.
Ginkanta sini ang “Mon truc en plumes” sang iconic French artist Zizi Jeanmaire.
Sunod naman nga nag-perform ang 28-anyos nga singer nga si Aya Nakamura.
Pila sa mga nag-perform amo ang mga kilala nga modelo kun sa diin kilala ang Paris sa nagkalain-lain nga fashion.
