Ordinansa nga nagadumili sa pagpahamtang sang “misting tents” kag sanitation booths siyudad, aprubado sa City Council

ROXAS CITY -Tuman ang kalipay sang chairman sang Committee on Health and Sanitation nga ginpapasar sa Sangguniang Panlungsod ang ginaduso sini nga ordinansa nga nagadumili sa pagpahamtang sang mga “misting tents” kag sanitation booths nga naga spray sang kemikal sa mga establisyemento sa siyudad.

Ini ang ginpahayag ni City Councilor Cesar Yap Jr., sang mainterview sang Bombo Radyo.

Ginpahayag ni Yap nga may yara sang epekto sa ikaayong lawas ang kemikal nga mahaklo sang indibidwal gikan sa aso sang mga misiting tents.

Dako man ang posibilidad nga mapatay ang indibidwal nga makahaklo sini ilabi na sa mga nagasuprehir sang respiratory diseases.

Nahibaluan nga sandig sa ordinasa, pagamultahan ang sin-o man nga magalapas sang P1,000 para sa 1^st Offense, P2,000 para sa 2^nd Offense kag P5,000 kag may kapresuhan para sa 3^rd Offense.