Nagapati ang isa ka human rights lawyer nga indi na kinahanglan ipakita sa publiko ang orihinal nga mga rekord sang Bureau of Internal Revenue (BIR) nga nagalakip sang tax records sang mataas nga opisyal sang gobyerno.
Ini kasunod sang temporaryo nga pagdumili sa pagpresentar sang orihinal nga mga rekord sang BIR, lakip na ang tax records ni Vice President Sara Duterte kag sang iya bana nga si Atty. Manases “Mans” Carpio.
Sa interview sang Bombo Radyo kay Atty. Jobert Llarde Pahilga, human rights lawyer, iya ginpahayag nga indi kinahanglan ipakita sa publiko ang mga rekord bangud sa Data Privacy Act.
Ang Data Privacy Act ukon Republic Act No. 10173 amo ang nagaprotektar sa personal nga impormasyon sang isa ka tawo batok sa indi awtorisado nga paggamit kag pagpalapnag sini.
Suno kay Pahilga, mahimo sa gihapon mapabilin ang transparency kag ang kinamatarong sang publiko nga makahibalo sang importante nga impormasyon bisan indi ipakita ang orihinal nga mga rekord.
Ang importante suno sa iya amo usisaon kun husto bala ang mga tax record nga gin-deklara ni VP Sara.
Dugang pa sang natungdan ang Letters of Authority nga ginpagwa sang BIR amo ang nagahatag sa awtoridad nga ahensya nga usisaon ang tax records sang mga taxpayer agud masekyar kun nagasanto ang ila gin-deklara nga impormasyon sa ila mga rekord.
